Kan Pathian Aw Lawng Kan Damnak



Kan Pathian Aw Lawng Kan Damnak
(Lyrics)
Key : Eb

Hrin semmawng te nih dawtu sunghno nu awnem a theih cun
Holh in chim khawh lo lawmhnak in a khat ee
Kan ram, kan vawlei, kan miphun dihlak na aw kan theihter
Ngaihchia le lungkuai mi ca hnemtu a si..

Maw Bawipa nangmah aw lawng theih kan duh
Taksa le thinlung, thlarau in kan damnak
Hi vawlei mifim thiamsang hna aw cu kan damnak si lo
Kan Pathian aw lawng kan ca damnak a si..

Lam pialmi hna ca lam hmuhsaktu cu Pathian aw a si
Israel mi hna lam a hruaitu hna kha
Ni fatin nun dawh na muisam kengtu kan si khawhnak hnga
Maw Bawipa nangmah aw nem theih lawng kan duh..

Hlan lio i profet deu hna aw nih cun miphun a pialter
Pathian aw lawng hi lam hmuhsaktu a si
Kan ram ah Bawipa na tummi muko aw lawng thang cang seh
Cucu Jeriko teinak aw cu a si..

Moses ralthatnak, Joshua ral teinak, Joseph dinfelnak
A nungmi Pathian nangmah aw lawng a si
Kan ram, kan vawlei na aw in khat seh vanruah bang sur seh
Sual ral teinak le thluachuah hmuhnak a si..
Zei Bantuk Hla Asi :
Hlabia Dang Zoh Chapnak :