Bawipa a Lawmhtertu Thil




Bawipa a Lawmhtertu Thil
(Lyrics)
Key : F

Nihin kan vawlei khua caan hi, caan chia chungah kan lut ko cang
Caantha sunglawi kan hmuh mi hi, Hmanzia thiammi si hna u sih
Vel ngeihnak caan a liam hlan ah, Bawipa a lawmh tertu thil kha
Kawl i zuam cio cang hna u sih, zungzal nunnak lam a si..

Bawipa a lawmhtertu thil hi, sui, ngun, chawva an si lo
Rumnak le fim, thiamnak zongin, Bawipa a lawmhter kho hlei lo
Amah duhnak tu kha ruatin, zumhtlak tein a nungmi cu
Bawipa an cungah ai lawm i, hnangam lawmhnak in an khat..

Saul siangpahrang nih a Milex, ral a vatuk lio caan ah khan
Bawipa duhnak tu zul loin, inn zuat satil thauthau hna in
Bawipa lunglawmhter a timh i, Bawipa a cung ai lawmh hlei lo
A pennaktu a chuh than i, Bawipa nih cun a hlawt ee..

Sodom le Gomorrah kha cu, Bawipa lung an ton lo ruangah
Inn le lo tha tampi hmanhseh, van lei kap meialh in a khangh
Lot nih Bawipa lung a ton caah, chungkhar in luatnak an hmuh
Taksa thlarau kan damnak hnga, Bawipa lung lawmhter kan herh..




LpH Site apk for android DOWNLOADERhttps://drive.google.com/file/d/0B6aZ4-vuzVCFRmI0MXRzZS1zY3c/view
Zei Bantuk Hla Asi :
Hlabia Dang Zoh Chapnak :