Hnangannak Tling



Hnangannak Tling
(Lyrics)
Key : G

Hi vawlei le a chung ummi, thil hi bochan awtlak um lo
Chikhat le cankhat calawng hmanh, hnangamnak an tling kho lo
Sui le ngun kan ngei rua kan ti, chaw le va kan ngei cang kan ti
Va bang thla ngei in an zuang dih, mitthli ah an cang than tawn..

Bawi Jesuh ngeitu hna nun lawng
Hnangamnak tling ngeitu an si
A zungzal nan sin ah ka um
Kan kaltak bal hna lai lo
Harnak caan ah hnemtu asi
Zaangder caan ah thazaang petu
Thlichia le tilet tih nung chung
Zong ah kan himnak asi..

Inn le lo tha kan ngei kan ti, a rauh hlan ah mitthli an cang
Motor Cycle kan ngei kan ti, kan ngeihchiat tertu an si..
Lei lawn Motor kan ngei kan ti, mi cheu caah thihnak an si
Hi vawlei chaw le va hna hi, phawrhlawt tlak an si hrim lo..

Fanu fapa kan ngei kan ti, nu le pa ca mitthli an si
Nupi le va kan ngei kan ti, lungfah tertu an tam ee
Satil run zong kan ngei kan ti, dum le hau zong kan ngei kan ti
Siseh law a donghnak ahcun, mitthli luan tertu an si..

Theipi kungzong tlai lo hmanhseh, lo chung thlai zong kho lo hmanhseh
Mitsur le Olive le Theipi hna zong, tlai lo hmanh hnaseh
Bawipa ahcun kai lawm ko lai, Habakkuk nun ngeitu kan si
Mit in hmuhmi thil ah si lo, zumhnak in nung mi kan si..
Zei Bantuk Hla Asi :
Hlabia Dang Zoh Chapnak :