Khamel Tlangpar Ah




Khamel Tlangpar Ah
(Lyrics)
Key : B

Khamel tlangpar ah lungawtawm ngai-in
Mipi cu an dir kalnak hngalh loin
Baal prophet hna le prophet Elijah
An Pathian sinah thlaza an cam e
Baal prophet biaktheng ah zei a phuang lo
Elijah biaktheng ah mei an hmuh ee
Elijah Pathian a nungmi Pathian
Van le lei ser tu Pathian kut a lang..

Kan ram mipi zong lung-awtawm ngai-in
Kalnak hngalh lo in lamte ah kan dir
Cawnpiaknak a tam chim le rel a tam
A nungmi biaktheng kan ram nih a hreh
Thlarau mei kengtu biaktheng kan hreh ee
A nungmi cawnpiaknak cu kan hreh ee..

Sinai tlang tang ah mipi cu an buai
Sui cawfa milem tang ah lammi le
A nungmi Pathian pek mi nawlbia thiang
A kengtu Moses lei tang an i do
Cu ni ah minung thongthum cu an thi
A ho dah a nungmi Pathian lei tang lai?
A ho dah a nungmi Jesuh lei dir lai?
Na dirhmun le zumhnak na fiang cang maw?

Solomon temple ah Bawipa a lawm
A chungah Thlarau minnei in a phuang
Sihmanhseh Herod temple chung ahcun
Kan Bawipa Jesuh Khrih cu a lut i
Chawlet chawhrawlnak ah an hman caah
Kan Bawi Jesuh nih, 'Mifir kua' a ti
Ka tih ee unau, Herod temple le
Soloman temple thiam zia thiam uh sih!

Kan Pathian cu Thlarau a si caah
A biak tu hna nih Thlarau le biatak in biak a hreh ee
Jesuh nih a ti, Thlarau mei tel lo lam kan zulh sual maw?
Pentecost Thlarau mei a tlak ni ah
Minung thongthum mipi nih nunnak an hmuh
Pathian Thlarau mei hi nunnak a si
Pathian biatak hi kan damnak a si...




LpH Site apk for android DOWNLOADERhttps://drive.google.com/file/d/0B6aZ4-vuzVCFRmI0MXRzZS1zY3c/view
Zei Bantuk Hla Asi :
Hlabia Dang Zoh Chapnak :