Chungkhar Vanram



Chungkhar Vanram
(Hlabia)
Key : D

[Caang 1]
Chungkhar lungkhat te i khuasak, rualrem te i len ti hna hi..
Sui le ngun hlawn vialte nakin a sung deuh..
Vawlei kan nun chung caan tawi te, hmanzia thiam mi inn chungkhar cu..
Kan tum vanram nun cu, vawlei ah an tep..

[Nolhnak]
Chungkhar vanram ser hna usih
A chungah dawtnak leng seh
Mit hmai panh le hmur kaa tha in
Khat le khat kan i chawn hna lai
Dawtnak le remnak in sak mi
Ruun inn cu zei nih tluk kho lo
Inn chungkhar vawlei cu Vanram ah a cang..


[Caang 2]
Zawtfahnak kan ton caan hna le, lungdong in kan um caan hna khin..
Siaherh zawn ruanak lung put he i hnem hi..
Sii le ai nakin a tha deuh, thinlung chungril tiang a dam ter..
Dawtnak tel lo nun cu, zei san a tlai lo..

[Caang 3]
Inn chungkhar ah ngeihchiat caan le, khat le khat hmuh thiam lo caan ah..
Lungsau thin fual toi dornak nun ngei in..
Ngaithiam tu si kan i zuam lai, mi palhnak i cinken loin..
Khrih lungput ngei mi chungkhar si hna usih..

[Caang 4]
Vawlei cung thli chia le ti let lak i, kan i dor nak ruun inn..
Fur ruah le thaal ni lin lak a kan phen tu..
Zing le zaantha duhdim tein chuan rawl kan dum tinak ruun inn..
Kutsak mi lei inn hi vanram ah cang seh..
Hlabia Dang Zoh Chapnak :