Gibeon ah Ninu



Gibeon ah Ninu
(Lyrics)
Key : A

Cerhlian ninu tangah miphun dang hna
Ho van hai lo laimi mangbawi phun ee
Fei le nam he sal le mithi mi lang
Ramkulh bia kan ceih ee
A nung Pathian hngal lo laimi phun nih
Thingkip le maw lungpi khuazeing tiin
Khothlaban le vaithawinak sa pein
Sertu hngal lo sermi thil rak bia hna
A mui ram ceu tertu biatak kan herh..

Missionary siangbawi nupa thawngin
Pathian hngal lo miphun lairam te cu
Khrihfa kan si nak kum za
Jubilee kan hmang ve cang nain
zumtu nuncan ziaza kan si ning ah
Pumsa duhnak sual kan hawl siang lo ee
Duhfah hakkau nahchuah zukhmawm din ei
Nupa sualnak tuah zong hrial duh loin
Sodom le Comorrah nun kan tluan ee..

Gibeon ah ninu a dir bang ee
Lairam ah Jesuh Khrih dir peng seh law
Kan phunghlun le ning hlun a morral hi
Joshua bang laimi nih kan tei hlan tiang
Aijalon nelrawn ah thlapa dir seh..


Biatak thawngtha he a ral chan mi nun
Kan khuangcei lam le kan cakei lufim
Thopuai le lai phunpi kan lai nunphung
Kan kir hnawh than ai ee
An dah man zu ser hna zing chun zaan ee
Zupu hram cawngthai lam robang lingin
Samthlairem ngaknu sum taikuh buin
Sirsawt marphau tan cawi lailam serin
Kan lai mifim cheu nih a kan kirpi..

Hohmanh Jesuh Khrih he a peh mi cu
Nunhlun a lo nunning thar a thawk cang
Biatak nan hngalh lai i biatak nih cun
An luat ter hna lai a ti
Biatak thawngtha cu kan sualsal luatnak
Biatak thawngtha cu kan nun thiamhlim nak
Biatak thawngtha cu kan nun din felnak
Biatak thawngtha cu kan nunnak thlengtu
Thawngtha Biatak Jesuh Khrih nun kan herh..

Biatak thlarau fa le tho u sih law
Kan ram le kan miphun a dam ter tu
Immanuel Pathian Jesuh Khrih cu
Khuakil vanhram dengtiang in hlor u sih
Kan damnak biatak thawngtha ka zahpi lo..




LpH Site apk for android DOWNLOADERhttps://play.google.com/store/apps/details?id=com.lai.pathian.hla
Zei Bantuk Hla Asi :
Hlabia Dang Zoh Chapnak :