Hruaitu Moses



Hruaitu Moses
(Lyrics)
Key : E

Moses a ngal lomi Faro, nih Izipt ram ah a bawi
A mi hna kha a kawh hna i, Israel mi vialte cu
An tam chinchin tinak hnga lo, fim ngai in a rak hrem hna
Nu hrin pa paohpaoh thah dingin, Faro nih bia a rak khiah

Nihin zumtu mitampi cu, Faro lungput kan keng ee
Thiang thlarau cawmtu si loin, thlarau thattu ah kan cang
Chung lei thiang thlarau ngei loin, a leng phaw in kan i hruk
Thiang thlarau fa hna ṭhang bai uh, Khrih pasal ṭha si dingin

Ti ah fenhter cang mi Moses, Faro fa nu dawh te nih
A hmuh tikah a hung cawi i, hi ngakchia cawmtu dingah
Hringtu a nu kha a auh i, Faroh fa nu te nih cun
Hi ngakchia te hi ka cawmpiak, tiah a nu kut ah a pek

Pathian thinlung i ṭial cangmi, thiang thlarau mi fa hna cu
Minung ruahnak lung a dong i, kan awlokchawng hnu zong ah
Thiang thlarau kan sin ah a um, Pathian kan lei ah a ṭang
A ram ca rian ṭha ṭuan dingin, Khrih hnukthlum in a kan cawm

Moses aw sunghno na nu hnuk, thlum cu vuai tein ding aw
Hung ṭhangbai mu na miphun hna, sal an tan caan sautuk cang
Izipt ram in Kanaan ram ah, hruaitu Paca'n an herh ee
Na nu hnuk thlum in ṭangbai law, na miphun caah dir cang

Nihin ah thiang thlarau hnukthlum, a ding zumtu fa le hna
Hung ṭhangbai uh sehtan pennak, ram lak ding tampi kan ngei
Izipt ram in Kanaan ram ah, hruaitu paca'n an herh ee
sehtan pennak ram mui vialte, Bawipa ram ah ser usih



LpH Site apk for android DOWNLOADERhttps://play.google.com/store/apps/details?id=com.lai.pathian.hla
Zei Bantuk Hla Asi :
Hlabia Dang Zoh Chapnak :