Ka Nu Dawtnak



Ka Nu Dawtnak
(Lyrics)
Key : F

Ka nu dawtnak le thlacamnak, ka van ruah than tikah
zei ruat loin ka nun ruang ah, a ngeih ka rak chaitter
Sunghno ka nu cu ngeihchih in, au than len hmanh ning law
A dawtnak awnem thlam lawng a lengcang..

Ka nu cu vung chim law, maw a lian bik Bawipa
Ka ca thla a cammi cu ka theih ko
Amah umnak vanram nuamte um ti awkah
Ka ra lai tiah ka nu cu vung chim te..

Fa tha lo ka si bu in ka cungah a vel a ngam
A duhnak ralchan in ka um zongah a ka ngaihthiam
Ngaihchihnak mitthli he ka caah thla a ka campiak
Sihmanhseh a dawtnak zei ka rel lo....

Nikhat cu hi vawlei cung khual tlawnnak in ka nu
Ka caah siaherh bu le ngaihchiat buin a ka liam tak
A tu kha ka nu a dawtnak ka vun ruah than tikah
Kha ka nu dawtnak cu ka tong ti lo..



LpH Site apk for android DOWNLOADERhttps://play.google.com/store/apps/details?id=com.lai.pathian.hla
Zei Bantuk Hla Asi :
Hlabia Dang Zoh Chapnak :