Kan Duh Nak Ngan Bik Si Seh



Kan Duhnak Nganbik Siseh
(Lyrics)
Key : C

Key : CBawipa kawh auhnak ruang ah, khua zei lei panh lai hmanh hngal loin
Abraham a chungkhar vialte he, Bawipa hmuhsak nak hmun lei ah khan an kal..

Bawipa nawl ngainak ruang ah, ni le khua caan hmanh tuak thiam loin
Noah cu a chungkhar vialte he, Bawipa fial bang in kuanglawng cu an rak sa..

Zumhnak in hmai ah an fong, Bawipa cung ahcun khat te hmanh
Lunghrin nak a ngei lo, cucaah.. Bawipa nih lam a hruai zungzal hna i
Harnak chung in luatnak kha an hmuh, cucaah.. Bawipa duhnak lam zul usih
Kan zumhnak hi tuahsernak ah lang seh, Kan nunnak kan sining vialte he
Bawipa duhnak tuah kan duhnak nganbik siseh..

Bawipa sunparnak caah, leicung thil ri sia herh hin lo in
U le nau caantha kan ngeih lio ah, Bawipa fial mi rian thianghlim tuan cio usih..

Zumhnak in hmai ah fong usih, Bawipa cung ahcun caan khat te hmanh
Zumh lonak ngei lo in, cu ticun.. Bawipa nih lam a kan hruai zungzal lai
Harnak chung in luatnak kan hmuh lai, cucaah.. Bawipa duh mi lam zul usih
Kan zumhnak hi tuahsernak ah lang seh,
Kan nunnak kan sining vialte he
Bawipa duhnak tuah kan duhnak nganbik siseh..




LpH Site apk for android DOWNLOADERhttps://play.google.com/store/apps/details?id=com.lai.pathian.hla
Zei Bantuk Hla Asi :
Hlabia Dang Zoh Chapnak :