Jesuh He Tonnak A Si



Jesuh He Tonnak A Si
(Lyrics)
Key :

Vawlei caan a dongh tikah, Jesuh nih hitin a chim
Noah buan chukcho bang khan, mi vialte cu an um lai
Pathian bia chim len zongah, zeihmanh ah an rel ti lo
Bawipa biakamh a tling cang ee, kan caah ṭih a nung tuk..

An kalsual cang an ti, Paul nih fiang tein a chim
Mihruh ko kan lo ee, minung hmuh ning ahcun
Vanlam a si ko tiin, hmuh fiangtu kan ca ahcun
Lunglawm in kal chin uh, Jesuh he tonnak a si..

Jesuh nih mitcaw pa cu, voikhat lawng a tong tikah
Zohhmanh seh a hmuh fiang lo, thingkung he ai lo a ti
Voihnihnak a tong than i, fiang tein a hmuh khawh bang
Voihnih hrin lomi zumtu cu, thlarau mitcaw mi an si..

Atu lio zumtu pawl cu, kalsual ko hi an ti cem
Pentecost ni hun khin hmanh, khuaruahharnak thil a tlung
Meizik he ai lomi mei, nih a vun tongh cio hna i
Thlarau in an khat dih tikah, zuu an rii tiah an ti hna..

Profect Joel chim bangin, Bawipa biakam cu a tling
Nan fanu, fapa hna nih, langhnak zong an hmuhtak cang
Tar zong nih mang an manh cang, thlarau mit in hei cuan law
Kalsual in na ruatmi nih hin, Jesuh he tongmi an si..



LpH Site apk for android DOWNLOADERhttps://play.google.com/store/apps/details?id=com.lai.pathian.hla
Zei Bantuk Hla Asi :
Hlabia Dang Zoh Chapnak :