Jesuh Kazeizong



Jesuh Ka Zeizong
(Lyrics)
Key : C

Ka dertawm caan ah ka ṭhawnnak Jesuh
Ka zawtfah caan ah ka damnak Jesuh
Ka sifah caan ah ka rumnak Jesuh
Ka ngaihchiat caan ah kaa lawmhnak Jesuh..

Jesuh ka zeizong - Jesuh Ka zeizong
Ka taksa le thinlung, thlarau damnak
Thinlung kehkuai caan, ah hnemtu Jesuh
Mangṭam tlun caan ah ka rawl ruk Jesuh..

Thlavai kian umhar caan ah hawikom ṭha
Ngakṭah le buangro ca'h Nu le Pa can
Thlichia tilet thawh caan ah kan himnak
Misual mipalh ca'h ka dinnak Jesuh..

Minau ta mi hna cawisangtu Jesuh
Mihrut mi hna ca'h kan fimnak Jesuh
Thihnak horkuang chung zongah kan himnak
Ka ca'h tukhal ṭha cu Jesuh a si..

Nu le Pa unau zong zumh an tlak lo
Ka ca zumhawktlak cu Jesuh a si
Nu le Va hmanh hi mitthli luantertu
Lunglawmhnak tling cu Jesuh Khrih a si..



LpH Site apk for android DOWNLOADERhttps://play.google.com/store/apps/details?id=com.lai.pathian.hla
Zei Bantuk Hla Asi :
Hlabia Dang Zoh Chapnak :