Kan Phanh Hlan Tiang



Kan Phanh Hlan Tiang
(Lyrics)
Key : D

Kan ram le kan miphun ca'h, ṭuan ding rian tampi kan ngei
Kan ti khawh tawk zuam chin cio usih, entainak um hlah seh
Thleidannak um hlah seh, ṭangrual in hmailei kan nor chin lai..

Kan ṭhazaang kan fimthiamnak, hmannak hmun tampi kan ngei
Kan zaw chuak rian tlonh hna hlah usih, daithlannak um hlah seh
Uh-ṭanhnak um hlah seh, lungtho in hmailei kan panh chin lai..

Kan ram dawtnak remdaihnak leng ko seh, lai hritlai vialte zuam chin usih

Miphun lawmhnak duhdim nun tlung koseh, semṭi rual phun hawi zuam chin usih
Ruahchannak dong hlah seh, kan tlah ṭem poih hlah seh
Lungfek in hmailei kan kal chin lai, kan phanh hlan tiang..

Kan ruahnak kan lungput hna, fonh ding rian tampi kan ngei
Funtom khawhnak zuam chin cio usih, lungdernak um hlah seh
Ṭih-phannak um hlah seh, ralṭha in hmai lei kan fong chin lai,
kan phanh hlan tiang..

Bridge :
Hawidawt, lungkhat in ṭuan zuam chin usih,
Kan ram kan miphun, ṭhangcho chin seh tiin
Hawidawt, lungfek in zaanghlei cawi usih
Ṭuan ding rian a tam, nang le kei..



LpH Site apk for android DOWNLOADERhttps://play.google.com/store/apps/details?id=com.lai.pathian.hla
Hlabia Dang Zoh Chapnak :