Nangmah Kan Duh Bik



Nangmah Kan Duh Bik
(Lyrics)
Key : D

Ka nunnak caah a herhmi, thluachuah phunkip na ka pek
Sihmanhsehlaw thluachuahnak in, petu Bawipa kan duh deuh
Jesuh ngeih ṭung loin mirum, mi hna an nun ka zoh ah
Ka ṭihtuk ee maw ka Bawipa, kei cu nangmah kan duh bik..

Vawlei ah lawmhnak tling a ngeitu hi, sui le ngun in a rummi an si lo
Thlarau Thianghlim nun a ngeitu, hna i an i lawmhnak cu
Chaw in cawk khawh lo mi van lawmhnak a ngeitu cu an si..

Inn le lo ṭha zong na kan pek, chun le zaan ah i dornak
Siseh inn le lo ṭhanak in, petu Bawipa nang kan duh deuh
Jesuh tel lo inn le lo ṭha, cu Hell hmete an hluan ee
Ka ṭihtuk ee maw ka Bawipa,  kei cu nangmah kan duh bik..

Ih khun ṭhaṭha le puan vurh ṭha, tampi zong na kan pek ko
Sihmanhsehlaw cu hnanak in, petu Bawipa kan duh deuh
Jesuh ngei lo ih khun ṭha le, pum vurh ṭha tang ih zongah
Merem kho lo maw ka Bawipa, kei cu nangmah kan duh bik..

Van le vawlei zeizong vialte, nakin nang kan ngeih ahcun
Ka hna a ngam ka lung ai lawm, ro lakah rosung Jesuh
Ka damnak le nunnak na si, ka fimnak le ka thiamnak
Ka thiamhlimnak le duh nunnak, ka Bawipa Jesuh na si..



LpH Site apk for android DOWNLOADERhttps://play.google.com/store/apps/details?id=com.lai.pathian.hla
Zei Bantuk Hla Asi :
Hlabia Dang Zoh Chapnak :