Bawipa Nih A Ka Umpi



Bawipa Nih A Ka Umpi
(Lyrics)
Key :

Bawipa a bochanmi le, Bawipa a hngatchanmi cu
Amah nih an lam hngalh in a tluanter
An tuah an ṭuanmi kipah, thluachuah a pek zungzal hna
An nun ah hnangam lawmhnak le daihnak in caan an hman tawn..

Bawipa cu kan ṭhawnnak le, kan himnak ralhruang a si
Harnak caan ah bawmtu le, huhphengtu chanhtu a si
A thukbik mi muihnak hor, kuang chungin kal hmanh ninglaw
Zeihmanh ka ṭih hrim ti lai lo, Bawipa nih a ka umpi..

Khuasak tintuknak caah, fakpi ṭuan lengmang zong hi
Bawipa tel locun zei san a tlai lo
Bawipa nih a dawtmi le, amah a ṭih mi hna cu
An i hngilh kar ah an herh mi kha a pek zungzal ko hna..

Bawipa a bochanmi cu, Zion tlang bantuk an si
Ṭhial khawhmi le hninhkhawhmi an si lo
Tlang nih Jerusalem khua, kha an kulhmi bantuk in
Bawipa nih a mi cu zungzal in zungzal tiang a kulh hna..



LpH Site apk for android DOWNLOADERhttps://play.google.com/store/apps/details?id=com.lai.pathian.hla
Zei Bantuk Hla Asi :
Hlabia Dang Zoh Chapnak :