Kan Umpi



Kan Umpi
(Lyrics)
Key : 

Kan biak Pathian hi a ṭha tuk, A min thangṭhat zungzal si koseh
Lei Vanah Cungnung Bik Bawi a si, Leicung valhawi nih hmuhcim lo
Zingnu nihcun fiang te'n a kan hmuh, Dawttlak mi miphun ah a kan ser..

Bawipa kan lei a ṭan ahcun, Teinak cu amah ta a si
Faro ralkap hna a teitu, Elijah zong ṭhawnnak a petu
Maw Bawipa, kan sinah kan umpi..

Kan biak Pathian hi a ṭha tuk, Miphun hmete kan si ko nain
Siangpahrang ram nortu a kan fial, Laimi sinak cun ṭih a nung
Kan ṭhawnnak nih a ban hrimhrim lo, Maw Bawipa kan kaltak hin hlah mu..

Kan biak Pathian hi a ṭha tuk, Miphun sifak kan si ko nain
Mirum phun tlaitu ah a kan fial, Minung sinak cun lung a dong
Kan ṭhazaang nih a phan hrimhrim lo, Maw Bawipa kan ṭhen siang hin hlah mu..

Kan biak Pathian hi a ṭha tuk, Ram bite ngei kan si ko nain
Ram kaupi nortu ah a kan fial, Taksa sinak cun bei a dong
Kan thiamnak nih a phan hrimhrim lo, Maw Bawipa kan zamtak hin hlah mu..



LpH Site apk for android DOWNLOADERhttps://play.google.com/store/apps/details?id=com.lai.pathian.hla
Zei Bantuk Hla Asi :
Hlabia Dang Zoh Chapnak :