Carson le Laura



Carson le Laura
(Hlabia)
Key : G

[Caang 1]
Zaanlei ninem ah Carson le Laura
Chosang cu kai in, cinrung run ven hna
A celh hrim lo maw, Laura Bawi nu cu
Merem kho hrim lo, a tap ruangmang ee..

[Nolhnak]
Ka ta Carson aw, hi mi hna sinah
Thawngtha biasung hi, kan chim kho hnga maw?
Tiin vansang le lungdong tah nguai in
Carson siang cungah mitthli zul kial mal..

[Caang 2]
Ka dawt Arthur aw tap len ti hlah law
Na ba tuk ai ee, i hngilh ai cang law
Thaizing ah niceu dawh te kan caah
A tlang te ko lai, Laura lunghnem ee..

[Caang 3]
Va cuai le hau hngar milu rel tawn hna
Hmunkip tlangkip i, lawmhnak niceu hi
Carson le Laura hna nih nihin ah
Vansang lenruat in, rak cuan ve hna maw?

[Caang 4]
Carson le Laura, mitthli bia an chim
Laimi phun dihlak, mitthli man kan si
Mitthli he thlai tu mi nih lawmhnak he
An tlung lai biathiang nihin ah tling cang..


LpH Site apk for android DOWNLOADERhttps://play.google.com/store/apps/details?id=com.lai.pathian.hla
Hlabia Dang Zoh Chapnak :