Dawt Chin Kan Duh




Dawt Chin Kan Duh
(Hlabia)
Key :

[Caang 1]
Bawipa ka thinlung chungril le, ka ruahnak hi ka Check dih hmanh
Nangmah nakin dawt deuhmi thil, kaa ngei sual maw?
Ka nunnak ah hi vawlei hi a bawi sual maw?
Nangmah nakin dawt deuhmi ka ngei sual ahcun
Cucu ka lak pial law, nangmah lawng hi dawt chin kan duh
Nangmah nakin tleihchan nang-mah nakin duh deuhmi ngeih cu ka duh lo
Nangmah lawnglawng dawt chin kan duh..

[Nolhnak]
Aww.. a nunnak le luhlorh tiangin dawtu
Na dawtnak he ṭhen khotu thil an um lo
Kan duhbik ko, ka hmurkaa zong nih
Na dawtnak kong chim seh, ka thinlung zongnih
Na ṭhatnak kong ruat seh, ka hna nih theih a duhmi
Na dawtnak kong lawng sisehKa nunnak dihlak ka sining
Nih nangmah thangṭhat seh ka duh..

[Caang 2]
Mah le mah hmanh lungdong ciami, a ka dawtu ka Bawi Jesuh
Zeitin dah hnu kan chit khawh lai, dawt chin kan duh
Lungdang kan ngeihtak kho lai lo dawt chin kan duh;
Dawtmi lak cungnung hawi ṭha lakah sang cem
Zeizong vialte lakah a Cungnung Bik kei ka caah
Na dawtnak biatak sung theih le rel ka cim lo
Na lunglawmhnak sangbik cu ka Bawipa Jesuh na si..

[Caang 3]
Ka ngeihchiat caanah hnemtu le, ka mitthli a ka hnawhpiaktu
Ka ningzahnak hupphengtu le, kilkawitu Bawi
Dawt awktlak na si zat hmanh in kan daw kho lo;
Maw cham khawh lo dawtnak, maw rulh khawh lo dawtnak
Fihnung rimchia bik hmanh, a ka pawmhlawntu Bawi Jesuh
Sangchin in dawt kan duh, thuk chin in dawt kan duh
Mopuai sung phak hlan tiang, zumhtlak tein ka nung ve lai..



LpH Site apk for android DOWNLOADERhttps://play.google.com/store/apps/details?id=com.lai.pathian.hla
Zei Bantuk Hla Asi :
Hlabia Dang Zoh Chapnak :

0 comments: