Zingfatin A Thar Lengmang




Zing Fatin A Thar Lengmang
(Hlabia)
Key : B

[Caang 1]
Ka nunnak lam hruaitu na si Bawipa
Ka sining diklak na hngalh
Ka tlin lonak le ka sual palhnak
Na sin thuh khawh si lo;
A rawkmi nunnak sersiamtu na si
Zaangdermi ṭhawnnak petu
Hawi tlukin ṭhahnemnak ka ngei lo
Siseh na dawtnak zing fatin a thar lengmang..

[Nolhnak]
Nang hleiin hawi ṭha hodah ka ngeih Bawipa
Tlangsang le horkuang chung zong na ka umpi
Bawipa na dawtnak a fekmi cu a dong hrimhrim lai lo
Zumh awk tlak na sinak cu a lianngan hringhran..

[Caang 2]
Ka nunnak hupphengtu na si Bawipa
Na kut chung himnak ka hmu
Vawlei cung harnak tlung hmanhsehlaw
Na thladem kaa dornak;
A kuaimi nunnak dam tertu na si
A thimi nunnak petu
Ka palhnak a tam ka sualnak ka hngalh
Siseh na dawtnak zing fatin a thar lengmang..


Zei Bantuk Hla Asi :
Hlabia Dang Zoh Chapnak :

0 comments: