Lairam Par Dawh



Lairam Par Dawh
(Hlabia)
Key :

[Caang 1]
Maw iang khun, Lairam par dawh
Khuaitizuu tlan in fingtlang tamhmuaihtu lengval hna
Lai ṭuanbia, dawh an ṭial cang
Nang le kei kan chan ah dawh khun in ṭial ding kan si..
Pupa keneh zulh in Lai ṭuanbia pehtu ah
Zingnu nih nang le kei lairam ah a kan sem ter..

[Nolhnak]
Kan ram iang ngeih tertu chokhlei, dingdi, vaurawng, senri
Tlangsang par nan sinak nun hi;
Nan phanhnak hmunkip le ramkip ah philh hin lo tein
Lairam dawh tertu par nan si;
Kan zahpi lai lo kan semnak, kan dawt kan Lairam caah
Par ve dingah Lairam nih robia an cah..

[Caang 2
Kan Lairam, kilhkamhtu le
Hmaihngaltertu, kaamlo chuncha Vakok nun dawh bang
Kan tlanhmi, Lairam par dawh
Kilhkamhtu ah lai lungput le zumhtlak kan sinak
Kan Lairam lolen tihphengtu pasal ṭha ah
Bawipa nih Lairam ca'h rian khinhmi kan si..

[Saanak]
Lairam dirhtu tungtlang pupa hna(an liam cang)
Thangthar seino ṭuan caan a cu cang
Maw Lairam iangngeih tertu pardawh
Miphun rimhmui tertu dingah
Kan zahpi lai lo kan semnak, kan dawt Kan Lairam caah
Par ve dingah Lairam nih robia an cah..

[Donghnak-Nolh]
Lairam Pardawh tlantu lai hrin
Semnak kan laihri tannak
Parter dingah Lairam nih robia an cah
Zaihla dawh in Lairam nih robia an cah..
Zei Bantuk Hla Asi :
Hlabia Dang Zoh Chapnak :

0 comments: