Nangmah Thangthat Hi Ka Duh Bik Mi Asi

Nangmah Thangthat Hi Ka Duh Bik Mi Asi

(Hlabia)

Key : Ab

[Caang 1]
Kan khua tlawnnak vawlei hi
Ngaihchianak hmun men a si
Lawmh ni phan tawn hmansehlaw
Ṭahnak nih a phan ṭheu tawn
Ngaihchiatnak le lungdonghnak
Nih a ka kulh lio caanah
A ho nunnak dah hnangam kho lai..

[Caang 2]
Minung cung i thil phan hi
Minung khu khannak si lo
Jakob a Pathian lawng hi
Khua kan khanpiaktu a si
kan tlang bawi Jesuh thawngin
A mah cu kan Pa a si
A dongh kho lo mi a dawtnak cu..

[Nolhnak]
Sunparnak kan pek;
na hmaikaa ah khukbil in
Thangṭhatnak kan pek
Ka fimthiamnak vialte he
Ngaihchiatnak ka tawn caan le
Lunglawmh lio caan zong siseh
Nangmah thangṭhat hi ka duh bikmi asi..

[Caang 3]
Na sunparnak kawl loin
Nang rak in thangṭhat hlah ning
Hi thlarau sifah nih hin
Khoikaa lam hen a zulh hnga
Nang Pathian nung cu na si
Zeizong cung i nawlngeitu
Na sin lo ahcun hna a ngam lo..

[Caang 4]
Maw hawidawt na ruat bal maw?
Minung kan rak semchanh hi
A kan sertu thangṭhat in
A sunparnak phuang awkah
Amah caah i pe in
A sin ah i pumpek in
A rian thiang lawng ṭuan ding kan si ee..

Missionary

Missionary

(Hlabia)

Key : G

[Caang 1]
Missionary an lam ṭha tein zoh ṭhan law
Hling phahmi lam a si, chukcho an kai
Mitthli he Bawipa hi ram hi
Na pennak vancung, ramah ser law ti hna..

[Nolhnak]
Vawlei ah an khuk an bil i
Bawipa na ram kauhnak ca'h cun
Ka nun hi hmang law
Tuar khawhnak kan pe tiin
Thlaza cam hna..

[Caang 2]
Bawi Jesuh nih vawlei sualnak thilrit phurin
Luruh tlang a panh ah, an tuk an velh
'Kal' tiah a hnu in an chuih chih
Siseh a holh lo, kan caah a in ko..

[Caang 3]
Unau hna nih nunnak pek tiang an ngamh lio ah
Nangtah zeidah na ngamh, kan Pathian nih
Na nunnak pek ding an fial lo
Rammui ceunak ca'h, na chaw le va a herh..

Pathian Chimhrinnak

Pathian Chimhrinnak

(Hlabia)

Key : B

[Caang 1]
Maw ka Bawipa Jesuh aw na fa le, kan ṭah caan a sau cang ee
Kan ram te hi dam cang seh, tiin thinlung kekkuai in
Siseh ka Bawipa a dam hlei lo, zeitin hen kan tuah kun hnga?
Na fadawt mi hna i kan mitthli hi, a lak in maw a luan lai?

[Nolhnak]
Bawipa aw kan ram dam seh ti duh ah, nutar, patar hna hmanh
Kan thih le thih tiin rawl ei loin, mitthli he an ṭap ee
Na kan lanhtak ko lai maw Bawi Jesuh, rak kan zaangfah ṭhan ko
Kan mitthli dor te he na sin ah, zaangfah kan in hal ṭhan ee..

[Caang 2]
Kan ram nih na lungfahnak kan tuah mi, na ka chimhhrinnak kut cu
Kan vawlei nih a tuar i, Inn le lo zong nih a tuar
Nutar, patar le semmawng zoh ah, lung lawng a kuai ee Bawipa
Na zaangfahnak kut cu kan samh piak law, kan mitthli kan hnawt ṭhan ko..

[Caang 3]
Hlan lio hruaitu Gorah le a mi hna, vawlei kak nih a dolh hna
Nihin hruaitu cheukhat zong, vawlei ah an pil dih ee
Ṭha le zang in tleih awk le ṭha lo, lung lawng a fak ee Bawipa
Maw Thlarau Thianghlim rak kan zaangfah law, kan chuahpiak ṭhan hram ko hna..

[Caang 4]
Na kan auhnak aw hna nih a theih i, mit nih a hmuh kho nain
Bawipa aw an theihthiam lo, Thlarau mitcawt hnu ahcun
Kan thing le lung zong na au ter hna, siseh an theihthiam hlei lo
Thli le ruah hmang zong in na kan auhnak, an theihthiam hrimhrim loh ee..

Jesuh Sawm U Sih

Jesuh Sawm U Sih

(Hlabia)

Key : G

[Caang 1]
Kan sinah rak tlung ve ko
Khua a tlai i zaan a mui
Amau lei panh khual tlawngmi
Bawipa Jesuh cu an sawm
An thlarau mit a dei i
Lunglawmhnak sangbik an co
Hallelujah Jesuh sawm hi
A hlawk bik ko ee hawi dawt..

[Nolhnak]
Kan mitthli hnawtpiaktu le
Kan thilrit a kan cawngtu
Kan zawtnak a damtertu
Cu kan Bawipa Jesuh Khrih
Amah a sawmtu paoh cu
An co bal lomi lawmhnak
Thar cu an co hrimhrim ko lai
Cu caah Jesuh sawm u sih..

[Caang 2]
Fanu le fapa kongah
Lung a dongmi nan um maw
Maw David fapa ka zaangfah
Tiin Jesuh lawm usih
Mitthli pinlei i lawmhnak
Tahnak pinlei i thluachuah
Na fanu fapa hna hmangin
Thluachuah thar na co than lai..

[Caang 3]
Zawtnak le maw fahnak ruang
Lung a dongmi nan um maw
Maw David fapa ka zaangfah
Tiin Jesuh sawm usih
Zawtnak cu chim lo thihnak
Hmanh a teitu Bawi Jesuh
A kutcak le thawnnak thawngin
Hawi dawt na dam hrimhrim lai..

[Caang 4]
Tuntuk khuasaknak kongah
Lung a dongmi nan um maw
Maw David fapa ka zaangfah
Tiin Jesuh sawm usih
Van a zuangmi va te hmanh
Rawl loin a chia lotu
Kan Pathian a si ca mualpho
In an chia hrimhrim lai lo..

Na Kum A No Ruangah

Na Kum A No Ruangah

(Hlabia)

Key : A

[Caang 1]
Mino hna cu miphun le khua le ram caah
Par bangin a dawhtertu ding kan si
Kan fimnak le thiamnak, kan thazaang le thawnnak
Miphun le ram caah hmang cio usih..

[Nolhnak]
Na kum a no ruangah zeibantuk mi hmanh nih
In zomhtaih in innek hin hna hlah seh
Siseh na biachim na holhrel na nun zia ah
Mi vialte ca zohchuntlak va si tuah..

[Caang 2]
Nihin mino thaizing hruaitu an rak ti tawn
Siseh a tu kan nih kan chan ahcun
Nihin mino Ni hin hruaitu ti a si cang
Zohchunhtlak in kan nun hmang cio usih..

[Caang 3]
Kan tlang a sang bangin kan fimthiamnak sang seh
Kan nel bang kan ruaihnak kau in thuk seh
Kan tiva a nem bang kan thinlung nem ve seh
Kan par dawhbang kan nun hi dawh ve seh..

Vailam Cungin A Kan Hngah Ko

Vailam Cungin A Kan Hngah Ko

(Hlabia)

Key : G

[Caang 1]
Pangpar bangin a ziam dingmi kan pumsa hi hawidawt hna
Leicung kan nun caan tawite cu Bawi Khrih ah
I pe usih pumsa nuamhnak in kan caan kan hmang sual maw
I ruat ṭhan hmanh caan ṭha a um lio te ah..

[Nolhnak]
Taksa maw kan kawl rih lai thlarau dah kan kawl lai
Vailam cungin Jesuh nih an kan hngah ko
Vawlei nuamhnak cu kaltak in Jesuh panh cang usih
Zungzal nunnak cu Jesuh sin lawngah a um..

[Caang 2]
Maw hawidawt kan nunnak a dongh tik ahcun kan thlarau hi
Hell ram ah maw lileng in a liam ko lai
Kan pumsa nuamhnak ruang i kan thlarau Hell ram liam lai cu
Ruat ṭhan rih hmanh hawidawt nan siang cio hnga maw?

[Caang 3]
Liamcia kan nunnak vialte kha a thar in i check ṭhan hmanh
Bawipa hmai ah fihnung men lawng kan rak si
Minung kan fimthiamnak le kan thil ti khawhnak vialte cu
Ningzahnak le mualphonak ah an cang tawn..