Lawmhnak Nithar



Lawmhnak Ni Thar
(Hlabia)
Key: Eb

[Caang 1]
Lei ka zoh i a pit i, van ka zoh ṭhan i a sang ee
Nun bei a dong ka van a sang Bawipa
U le nau fuh ding le rual le chan panh ding zong
Ka ngei hna lo ka Bawi nunnem..

[Caang 2]
Lei ka zoh i a pit i, van ka zoh ṭhan i a sang ee
Sual cikcin he ni luan kum caan saupi
Lei nun ka hmang tawn i, chung si vang in ka ṭap
Luat ve ka duh ka luat kho lo..

[Nolhnak]
Thinlung kuai le mitthli he ka ṭap lio caanah
Misual dawtu Jesuh aw nem ka theih
Re a thei mi le thil a ritmi ka sin ra uh nan thilri cu
Kan chan hna lai tin aw thawng cu kei caah
Ka nun ah khua a dei, lawmhnak ni thar a tlang
Lawmhnak mitthli zur ruangmang ee..

[Nolh-Donghnak]
Ka thlarau lawmhnak in a khat..

[Caang 3]
Lei ka zoh i a pit i, van ka zoh ṭhan i a sang ee
Zawt le fahnak dam lo nih a tam ṭung
Vawlei nun hman zuam loin ka bei a dong tawn
Mitthli hi ka rawl a cang tawn..

[Saannak]
Hawikom lak ah hawikom ṭha bik cu Jesuh Khrih a si
Unau lak ah unau ṭha bik zong Jesuh Khrih a si
Ooh! ka ton hnu cun.. Ooh! ngeihchiat um ti lo
Lawmhnak mitthli zur ruangmang ee..
Zei Bantuk Hla Asi :
Hlabia Dang Zoh Chapnak :

0 comments: